Vinnustaðurinn

Kópavogsbær rekur 19 leikskóla í bæjarfélaginu. Heildarfjöldi stöðugilda starfsmanna leikskóla bæjarins er rúmlega 500. Stytting vinnuviku hefur verið tekin upp á öllum vinnustöðum bæjarins og starfsmenn leikskólanna fá fríar máltíðir. Kópavogsbær er barnvænt og heilsueflandi sveitarfélag þar sem leikskólarnir vinna að innleiðingu Barnasáttmálans í öllu sínu starfi. Allt fastráðið starfsfólk Kópavogsbæjar á rétt á líkamsræktarstyrk. Lögð er áhersla á að taka vel á móti starfsfólki og veita því markvissa þjálfun þannig að því líði vel í starfi og nái góðum tökum á því. Í leikskólum Kópavogs er um 36% starfsfólks leikskólakennaramenntað. Fleiri munu bætast í hópinn þar sem 50 starfsmenn stunda nú nám í leikskólakennarafræðum á styrk frá bænum. Starfsfólk getur sótt um forgang fyrir börn sín í leikskólum Kópavogs.

Kynntu þér leikskóla Kópavogsbæjar með því að skoða kynningarmyndbönd hér: